OneLiners

നമ്മുടെ ജീവിതം മുഴുവൻ പാതകളാണ്. വീട്ടുകാർക്കായി.....കൂട്ടുകാർക്കായി... നാട്ടുക്കാർക്കായി....ജോലി സംബന്ധമായി...നമ്മുക്കായി. വെവ്വേറെ പാതകൾ ഒരു multi lane highway പോലെ അങ്ങനെ നീണ്ടു നിവർന്നു സമാന്തരങ്ങളായി ഓടുന്നു. ഒരു കാര്യം പ്രത്യേകം ശ്രദ്ധിക്കണം....lane change ചെയ്യുമ്പോൾ indicator ഇടാൻ മറക്കരുത്.

കഥയും കവിതയും ഒരുനാൾ കണ്ടുമുട്ടി, ഭാവനയെ അങ്ങ് കൊല്ലാൻ തീരുമാനിച്ചു. സമാധാനമായിട്ടിരിക്കാലോ!!!

മരുഭൂമിയിൽ മഴതുള്ളി കിലുക്കം.

സ്വപ്നങ്ങളൊക്കെ ഓർമ്മകളെ ഡിവോഴ്സ് ചെയ്തു. ചിന്തകളും പിണക്കത്തിലാണ്. എട്ടിന്റെ "പണി" മാത്രം മുറയ്ക്ക് വന്ന്‌ ഹാജർ വയ്ക്കുന്നുണ്ട്.

നാമെല്ലാവരും പ്രപഞ്ചം കീഴടക്കാൻ ആഗ്രഹിക്കുന്നു. എന്നാൽ , നാമോരോരുത്തരുടേയും പ്രപഞ്ചങ്ങളുടെ വ്യാസം വിഭിന്നമായിരിക്കും.....ചിലപ്പോൾ പ്രപഞ്ചങ്ങളും.

നാല് മഹാകോടിയോളം വരുന്ന കോശങ്ങളിൽ , ഏതെങ്കിലും ഒന്ന് - കേവലം ഒരേയൊരണ്ണം - മറിച്ചൊന്ന് ചിന്തിച്ചാൽ തീരാവുന്നത്ര ശിഥിലമാണ് "അഹം" എന്ന ഭാവം.

OneLiner - വേരുകൾ

എല്ലാ കഥകളുടെയും ചില വേരുകളെങ്കിലും അനുഭവനീറിൽ നനഞ്ഞിട്ടുണ്ടാവില്ലേ ?

OneLiner - വിങ്ങൽ

ഉറ്റവരുടെ മനസിലെ വിങ്ങൽ നമ്മുടെ ശാന്തിതീരങ്ങളിൽ അസ്വസ്ഥയുടെ അലകടൽ സൃഷ്ടിക്കും.

OneLiners - സ്വപ്‌നങ്ങളും ഓർമ്മകളും

ഇങ്ങോട്ട് വരാൻ പറഞ്ഞാൽ അങ്ങോട്ട് പോകുന്ന സ്വപ്‌നങ്ങളെയും, അങ്ങോട്ട് പോകാൻ പറഞ്ഞാൽ ഇങ്ങോട്ട് വരുന്ന ഓർമ്മകളെയും കൊണ്ട് ഞാൻ തോറ്റു.

ഇതിപ്പോ എന്താപ്പാ ഇങ്ങനെ? 

OneLiner - കണ്ണുനീർ

ഹൃദയത്തിൽ നന്മയുള്ളവർക്കു കണ്ണുനീർ വറ്റാത്ത ഉറവയാണ്.