മിഴിദളങ്ങളിൽ ഒളിക്കുന്നുവോ ആഴി തൻ അപാരത
ശ്രവിക്കുന്നില്ലാരും ഉള്ളിലെ പ്രളയത്തിൻ ഗർജ്ജനം.
ഇമയഗ്രങ്ങളിൽ നിന്നുതിരും കേവലമാമൊരു അശ്രുബിന്ദു
ഒഴുകുന്നിതാ നിൻ കവിള്ത്തടത്തിലൂടെ മന്ദമായി.
വീണിതാ പതിക്കുന്നു നിൻ അധരങ്ങൾക്കുമേൽ
അവയോ , വിറയ്ക്കുന്നു സ്വ വ്യസനത്തിന് ഹിമവർഷത്താൽ
നാവിലലിയും ലവണരസം , ഈ നയനജലം
ആഴിയിൽ ജനനം ആഴിയിൽ മരണം.
No comments:
Post a Comment